Jeshi la Iran limeanzisha wimbi jipya la mashambulizi ya makombora na ndege zisizo na rubani (drones) dhidi ya vituo vya kijeshi vya Marekani nchini Kuwait na Falme za Kiarabu (UAE).
Mashambulizi hayo yamelenga mifumo ya mawasiliano ya satelaiti, maghala ya vifaa, maegesho ya ndege za kivita (hangars), ngome za wanajeshi, na mifumo ya rada. Kambi ya Ahmad al-Jaber nchini Kuwait na Kambi ya Al Minhad nchini UAE zimepigwa.
Iran imesema mashambulizi hayo yamesababisha uharibifu kwenye mifumo ya mawasiliano na maegesho ya ndege. Shughuli za ndege katika Uwanja wa Ndege wa Kimataifa wa Kuwait zilisitishwa kwa muda.
Mashambulizi haya ni sehemu ya awamu ya 31 ya Operesheni Saegheh (kwa maana ya Radi). Tehran imesema pigo hili ni kisasi kufuatia mashambulizi ya hivi punde ya Marekani yaliyosababisha vifo vya watu wasiopungua 18 kusini mwa Iran, akiwemo mtoto wa miaka minne aliyekuwa kwenye harusi.
Ahmad al-Jaber ni kitovu kikuu cha logistiki na usaidizi kwa vikosi vya Marekani huko Mashariki ya Kati, huku Al Minhad (UAE) ikiwa ni kituo muhimu sana kwa msaada wa anga na usafirishaji.
Kufikia wimbi la 31 la mashambulizi inamaanisha kuwa mkakati wa Marekani wa "kupofusha rada" za Iran (kama Trump alivyotamba) haujafanikiwa kumaliza uwezo wa Iran wa kurusha makombora. Iran inatumia mbinu inayoitwa Asymmetric Warfare kuhakikisha inasababisha maumivu ya kutosha kwa gharama ndogo kupitia drones na makombora, jambo linalofanya ushindi wa haraka wa kijeshi kuwa mgumu sana kwa pande zote mbili.
Rais Trump ametishia kufanya mashambulizi zaidi. Hata hivyo, Iran imethibitisha kuwa bado ina uwezo wa kujibu mapigo. Swali linabaki: Je, itachukua awamu ngapi za vita hivi kabla pande zote mbili hazijagundua kuwa haziwezi kushinda vita kwa kutegemea milipuko pekee?
@Swahili Prime Media